僱傭中心黑名單2023 常見違反事項
香港大部份僱主都會透過僱傭中心/中介公司聘請外籍家庭傭工，2022年數據指香港有超過1,397間專為聘請外傭的僱傭中心/中介公司，雖然政府規定必須申請牌照，但數量之多總會出現良莠不齊的情況。所以每年勞工處都會公布違反守則的外傭中介黑名單，而最新一期已經公布，名單最近更新日期為3月19日。今次文章並不是分享公司名單，而係希望各位準僱主留意當中常見違反事項，係幫趁僱傭中心要小心警惕。
1. 未有向僱主提供付款收據
此項係黑名單中最常見的違反事項，收唔到到收據會有咩影響? 一來就係無證明中介已經收齊你錢，二來就係沒有服務內容明細，如果後來先發現中介濫收費用需要舉報中介，付款收據就係證據之一。部份中介有提供外傭未能到埗就會有退款的安排，正常係唔會成個Order退款，只會係部份退款，所以收據上明細就好緊要喇。另外好似我哋加洲保險有提供「特設家傭試用保障」，如果你個外傭喺試用初期辭職或被解僱，相關再聘請費用將可獲補貼，當中付款收據就係索償時必須提供的文件之一。
2. 未有在與僱主簽訂的服務協議內包括所有指定項目
即係未有完成簽約內容中所有服務，例如未有代辦文件或安排外傭驗身等等。與中介簽約前及付款前記得睇清楚有咩係包或唔包。
3. 未有向僱主提供他們因應職業介紹事宜而簽署的所有文件的副本
即係服務協議(合約)副本、領事館合約Copy等等。僱主最好完整文件點都要Keep番一份。特別係服務協議(合約)副本，有D中介公司會寫明申請不成功或未能如期上任會有「百份百退款」，如果簽完都唔Keep番個副本，不幸出事中介公司隨時可以唔認數。
4. 未有與僱主/求職者簽訂服務協議
即係唔簽約就做野，其實對雙方都無保障，而且白紙黑字寫明第時有咩問題都唔駛口同鼻拗。如果無簽約仲要比現金，就更加要避免，唔好以為講個「信」字就可以。
5. 未有保存與求職者及其僱主之間事務往來的紀錄，包括外傭及其僱主確認收妥雙方已簽署的標準僱傭合約等的簽收紀錄
又一項係有關文件既常見違反事項，雖然比左錢交比中介做，但係僱主都有責任Check齊文件。
6. 無牌經營
今年已經有一位女士無牌經營而被定罪，所以如果有個不明來歷的人士話可以介紹外傭比你或可以代辦文件，記得問佢拎個牌照號碼Check Check，首先要留意牌照有效期只係一年，所以記得睇埋個有效日期，如果有懷疑就可以去勞工處網站搜尋持牌職業介紹所名單(網址)。
投訴僱傭中心/中介公司的方法
如果不幸遇到問題僱傭中心/中介公司需要投訴，應盡快向勞工處事務科舉報，勞工處有提供網上投訴表格，亦可以致電2115 3667；傳真2115 3756；到訪：九龍旺角道1號旺角道壹號商業中心9樓906室親身投訴。
如需要查閱勞工處整份職業介紹所黑名字，請到以下官方網站：https://www.eaa.labour.gov.hk/tc/home.html
相關產品:
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
