外傭患癌後遭無理解僱 僱主責任你要知
近日，有關一名外籍家庭傭工因患癌被僱主解僱嘅新聞引起社會廣泛關注。報道指，僱主唔單止反對外傭接受化療，仲喺佢病假期間要求工作，及後更加解僱外傭。呢件事唔單止引起道德上嘅討論，仲可能違反《僱傭條例》同《殘疾歧視條例》。作為僱主或者計劃請外傭嘅人士，應該了解相關法律責任，保障自己同外傭嘅合法權益，減低潛在法律風險。
事件簡介
根據報道，一名菲籍外傭喺去年年底確診乳癌，並提出接受化療嘅要求，但僱主反對，仲喺手術後病假期間逼佢搬離住所，最後因健康問題將佢解僱。呢件事除咗違反《僱傭條例》中有關有薪病假嘅規定可被刑事檢控，一經定罪，最高可被罰款10萬元，另外仲可能觸犯《殘疾歧視條例》。
此外，當中亦有報道提到有啲僱主未有幫外傭購買適當嘅保險計劃，導致外傭需自費醫療，又或者僱主需額外支付一大筆醫療費用，令僱傭雙方矛盾進一步加深。
外傭僱主嘅法律責任
1. 《僱傭條例》嘅規定
有薪病假：每月累積2日病假，最多可以累積到120日。只要外傭請假兩日以上並有醫生證明，就可以享有有薪病假。
醫療費用：根據標準僱傭合約，僱主有責任承擔外傭嘅所有醫療費用，包括重大疾病嘅治療費用，例如化療或者手術等。
病假保障：喺外傭病假期間，僱主不得要求佢工作，亦唔可以因病而解僱外傭。
2. 《殘疾歧視條例》嘅要求
條例規定，任何因殘疾（包括重大疾病）而對僱員作出歧視行為，例如因病解僱，可能構成違法行為。某虐情況即使喺表面上符合《僱傭條例》條款，但如果被裁定為歧視行為，僱主仍需承擔法律責任。
僱主應該點做？
1. 簽約前進行健康檢查
僱主喺簽約前可以安排外傭做全面健康檢查，並仔細睇清楚健康報告。唔好完全相信中介公司提供嘅資料，亦唔好喺空白合約上簽名，避免將來發生不必要嘅糾紛。
2. 為外傭購買保險
購買家傭保險係法律規定，亦係減低僱主財務風險嘅重要保障。建議選擇綜合性嘅保險計劃，確保保障範圍包括重大疾病，例如癌症或者心臟病嘅住院同治療費用。
買家傭保險嘅重要性
1. 全面保障更安心
購買家傭保險唔單止符合法律要求，仲可以保障僱主同外傭雙方利益。全面保障嘅保險計劃通常包括以下內容：
住院同手術費用：例如癌症化療、心臟病手術等高昂醫療費用。
門診同專科醫生費用：確保外傭能夠得到及時嘅治療。
人身意外保障：涵蓋意外導致嘅受傷或者死亡賠償。
2. 重大疾病保障不可少
有啲標準保險計劃可能未必涵蓋癌症或者心臟病等重大疾病，僱主喺揀保險時要細心睇清楚保單條款，確認計劃有冇包含呢啲高風險病患嘅保障。全保計劃可以有效減輕僱主嘅財政壓力，避免因巨額醫療費用而陷入困境。
3. 尊重專業意見同外傭意願
如果外傭因病需要接受治療，僱主應該尊重醫生嘅專業建議，亦要尊重外傭本身嘅治療意願。同時，記錄清楚病假資料，以避免產生爭議。
結語
健康係每個人嘅基本權利，作為僱主，有責任保障外傭嘅健康同福祉。僱主應該喺履行法律責任嘅同時，揀選適合嘅保險計劃，並定期檢視外傭嘅健康情況。咁樣唔單止可以建立和諧嘅僱傭關係，亦可以減低潛在財務風險，讓雙方都安心無憂。
透過合適嘅保險產品，僱主可以提供更好嘅保障，令外傭安心工作，打造雙贏嘅僱傭關係！
相關產品:
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
