外傭/家傭保險常見問題Q&A (四)指定網絡醫生/跳工保險未到期處理方法/保單未完退款/家居保同家傭保險保障重疊的地方
不經不覺已經來到第4集，今集會同大家分享有關指定網絡醫生及醫療卡安排、跳工保險未到期處理方法、保單未完退款、家居保同家傭保險保障重疊的地方等資訊。
相關閱讀:
外傭/家傭保險常見問題 Q&A (一) 保障範圍/費用/墊底費/COVID-19安排/第三者責任/牙科費用
外傭/家傭保險常見問題Q&A (二) 門診/住院及外科手術費用/忠誠保障/不保事項/如何索償
外傭/家傭保險常見問題Q&A (三) 門診限制/正確投保人/等待期/跳工保障
1. 是否必須去指定網絡醫生求診?
答：有部份提供家傭保險的保險公司是需要外傭到指定的網絡醫生求診，而且睇完病如果唔需要開特別藥或打針等其他服務，只要出示該公司醫療卡，拎完約就可以唔駛比錢直接離開。某程度上唔需要先比錢同Claim錢係方便嘅，不過有部份家傭保險如果唔係去睇指定網絡醫生，睇醫生門診就會由次數限制，改為以金額限制。另外如果喺屋企附近有無該保險公司指定的網絡醫生，又或者外傭真係好病，可能落屋企樓下果間睇就最方便，甚至想去睇某個出名醫術高明的非網絡醫生，無醫療卡/網絡醫生限制可能會靈活D，僱主為外傭投保之前記得Check清楚。
相關閱讀: 外傭剛到埗即病危 – 香港僱主是否需要負責?
2. 外傭跳工保險未到期可唔可以轉名
答：大部份家傭保險如果遇到外傭跳工，係保單保障期仲未完情況下，一般都會容許轉名。不過提提大家由於一般家傭保險都係以1年或2年咁買，如果保單保障期唔夠Cover新外傭受僱時期，記得Mark起保單幾時完結，否則外傭有咩頭暈身㷫要僱主比錢睇醫生之外，仲係犯法嫁！
相關產品: 加洲保險嘅「加善計劃」提供「家傭試用保障」及服務中斷現金津貼，立即了解更多
3. 外傭跳工保單未完可唔可以退款？
答：大部份都不可以，有少量容許退款的會收手續費，詳情及安排請向有關保險公司確認。但大部份保險公司會接受轉名。
4. 已經有家居保，仲要唔要買家傭保險？
答：家居保主要保障範圍係物件，即係因意外、水災及火災等導致屋企傢俬電器、衣物、門鎖、珠寶首飾、現金等財產受損，而當中爆竊及對第三者責任此兩項係同家傭保險重疊。外傭偷竊嘅其實都不時出現，所以唔少家傭保險當中已經有「忠誠保障」條款。而第三者責任涉及外傭轉承責任問題，因為如果外傭喺僱主指示下工作而發生意外，例如抹窗時飛咗個窗落街整到人或者放狗時隻狗咬親人，係轉承責任上都係由僱主負責，大部份家傭保險中第三者責任保額由港幣10萬至50萬不等，有小部份更加係唔包，Touchwood有意外，賠幾多錢真係好難講，僱主可衡量風險而決定是否需要雙重保障。
相關閱讀:外傭喺街整爛嘢 僱主是否需要負責
相關產品:
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
