外傭/家傭保險常見問題Q&A (三) 門診限制/正確投保人/等待期/跳工保障
外傭/家傭保險看似簡單，但係都有好多細節如果唔留意的話可能會Miss咗，到真係要Claim錢嘅時候先發現唔包真係會肉赤，第3集外傭/家傭保險常見問題Q&A就會分享外傭去門診睇醫生每次索償及總上限、正確投保人、保單生效/等待期及跳工保障等有關資料。
相關閱讀:
外傭/家傭保險常見問題 Q&A (一) 保障範圍/費用/墊底費/COVID-19安排/第三者責任/牙科費用
外傭/家傭保險常見問題Q&A (二) 門診/住院及外科手術費用/忠誠保障/不保事項/如何索償
1. 門診有沒有次數限制?
答：一般門診保障都有設置次數上限，大部份規定一日一次，有小部份限制一年某個次數，但亦需要留意每年度索償最髙金額，即係就如果保額為HK$2,000，每次上限為HK$200，即係睇10次已經到達最高金額，如果外傭仲要睇門診就要僱主全數負責。而加洲保險門診保額為HK$4,000，每日每次上限為HK$160，即係可以睇到25次。如外傭使用醫管局旗下普通科門診，每次診症費用只係HK$50。
相關閱讀: 選擇外傭保險需考慮的事項
2. 門診其實包d咩?
答：門診包括西醫門診、跌打或物理治療，而當中一般門診保障是指普通科門診服務及3日基本藥物，即係如果外傭要求5日藥、又或者要開抗生素、睇專科門診要配多種藥物等需要額外費用，就需要有僱主負責差額。醫管局旗下專科門診（包括專職醫療服務）首次診症費用為HK$135，其後每次診症HK$80元， 每種藥物收費15元。
相關閱讀: 外傭保險的基本保障範圍及相關賠償幅度
3. 誰是合適投保人?
答：唔少子女都會為家中長輩聘請外傭，而僱傭合約規定係外傭必須要同僱主住係同一個地址，如果子女唔係同長輩一齊住，僱主必須要係家中長者。而投保外傭/家傭保險亦都一樣，投保人必須為僱主，子女係唔可以代買的，填錯咗有機會令保單無效。
4. 等候期/起保時間 幾時要幫外傭買保險?
答：由僱傭合約正式生效當日，大部份即係外傭到埗日，而如果係請本地外傭就係合約生效當日，外傭必須要有已生效嘅外傭保險。市面上有小量外傭保險會設有等待期，所以除咗留意條款之外仲要唔好預得咁忟水，Touchwood外傭一落地就病咗，業主就要負責全部醫療費用了。加洲保險嘅家傭保障計劃特設全港首創「預留保障」，保障會為預留365日，即使資料未齊全、未知道外傭幾時到埗或者本地外傭是否獲批新Visa，都可以Hold住個保障喺到，等到齊料、填好Form同比埋錢，保障就會即時生效，並無等候期嫁！
相關閱讀: 申請外傭的費用 本地完約外傭 vs 外地來港外傭
5. 如果外傭跳工有無得保?
答：以前係無嘅，不過由於近年外傭跳工情況十分嚴重，所以有部份保險公司近幾年新推出的家傭保險計劃都會加入家傭試用保障或服務中斷現金津貼。而加洲保險嘅「加善計劃」就2樣都有，希望可以減低大家請外傭的負擔及壓力。兩者保額分別為 i)家傭試用保障每保單年度 HK$5,000；每名家傭 HK$2,000，ii)服務中斷現金津貼每日 HK$200；每保單年度 HK$6,000。
相關閱讀: 外傭「跳工」Q&A
相關產品:
加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請
本文章中提供的信息僅供一般參考，不作為任何形式的建議。 本公司對其使用不承擔任何性質的責任。
資料來源
