外傭/家傭保險常見問題 Q&A (一) 保障範圍/費用/墊底費/COVID-19安排/第三者責任/牙科費用

香港人十分忙碌，雙職家庭亦都唔少，唔係個個都有四大長老幫忙湊小朋友或者有時間/心機收工後煮飯及打掃，結果只好用錢解決問題 – 聘請外傭幫你攪掂。要請到好嘅外傭已經唔容易，仲要負責佢嘅起居飲食，仲要包埋睇醫生。揀一份全面嘅外傭/家傭保險保障外傭之餘，其實都係保障自己銀包，以下會列出有關外傭/家傭保險常見問題，簡問簡答。

1.      僱主要負責外傭的事項?

答: 人工、住宿、膳食、睇醫生費用(提供免費醫療)等等。香港法例第 282章 《僱員補償條例》，僱主係必須為任何全職或兼職的員工購買勞保，否則視為觸犯法例。根據專為外傭而設的《標準僱傭合約》列明，僱主更需要負責外傭睇醫生的費用等等，而且無論是否於工作或放假時間受傷，均由僱主負責。

相關閱讀: 選擇外傭保險需考慮的7個事項

2.      外傭/家傭保險的保障範圍

答: 一般勞工保險通常只會包括工傷、人身意外及公眾責任，不足夠完全覆蓋對外傭提供免費醫療的要求，所以外傭/家傭保險主流是「綜合家傭保險」，除以上勞保的保障範圍，不同保險公司會提供額外保障，例如住院及手術費用、門診費用，牙科費用，誠信保障、改聘費用、住院現金津貼、償還貸款保障等。

相關閱讀: 外傭保險的基本保障範圍及相關賠償幅度

3.      外傭/家傭保險的費用?

答: 由幾百至千幾港元都有，價錢愈低，保障範圍及保額就相對低，如果Touchwood外傭有比較嚴重的病患，住院或手術收費高昂，僱主就好有機會需要自己貼錢補返差額。

4.      索償係收全數定係有墊底費?

答: 絕大部份外傭/家傭保險，係索償時都需要投保人都負責小量費用，金額一般為數百至千港元。

5.      COVID-19/ 新冠肺炎 / 2019 冠狀病毒病要唔要負責，保險包唔包?

答: 只要外傭係你受僱之下中招，作為僱主的你就要負責提供免費醫療。而COVID-19亦當係一般病患之一，如果要住院，而你買果份保險有包住院就有得Claim。

相關閱讀: 外傭入境隔離規定最新安排(2022年8月)

6.      外傭令其他人受傷，被要求賠償，外傭/家傭保險包唔包?

答: 一般外傭/家傭保險都有包含對第三者責任保障，即係外傭疏忽而導致第三者傷亡或者財物受損，僱主就需要為外傭承擔法律責任。例如外傭抹窗時唔小心令隻窗飛咗落街又整到人，如果傷者要Claim你外傭，就會由第三者責任保障中賠償。留意保額每年由$50,000至$200,000不等，部份計劃更有墊底費。

7.      外傭係屋企令到家人受傷，又有無得賠?

答: 公眾責任或個人責任保障受保範圍並不包括僱主及其家人。

8.      外傭要剝壞牙、剝智慧齒、洗牙、箍牙，牙科費用包唔包?

答: 雖然綜合家傭保險大部份都有保障牙科費用，但並唔係所有牙科服務都需要為僱主負責。如果係意外牙科費用，即係剝牙、剝智慧齒手術、補牙、口腔手術、X光檢查通常都受保。但係例行牙科檢查、洗牙、鑲牙及箍牙都係不受保事項。

第一集暫時講住咁多先，下一集再同大家分享外傭/家傭保險常見問題。

相關產品: 

加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。