保護家中老幼 檢查及鼓勵外傭接種麻疹疫苗

香港人聘請外藉家庭傭工，大部份都係為咗分擔雙職父母照顧家中小朋友或長者的部份責任，其中安全及健康係重中之重，外傭與家庭成員嘅接觸極為密切，因此外傭健康亦需要重視。每個國家安排接種疫苗以防治疾病嘅安排都唔同，雖然外傭來港亦已經驗咗身，咁作為僱主仲可以做咩保障家人安全呢? 今次同大分享外傭接種麻疹疫苗有關資訊。

麻疹的併發症及香港兒童接種安排

衞生防護中心曾經有放過訊息有關鼓勵外籍家庭傭工（外傭）接種麻疹、流行性腮腺炎及德國麻疹混合疫苗。唔好睇少麻疹，麻疹係一種由病毒引起傳染性極高的嚴重疾病，可傳染給任何未有免疫力人士，尤其係未曾接種疫苗的嬰兒，香港兒童分別只會係18個月及小一時接種由政府提供的麻疹預防針。受感染的人會係一至兩星期內發燒及皮膚出現紅疹後康復。嚴重者的中耳、肺部及腦部會受影響，引致併發症甚至死亡。而接種疫苗為最有效預防方法。

麻疹在東南亞的情況

衞生防護中心曾提醒部分外籍家庭傭工在抵港前或未曾接受過麻疹疫苗注射，外傭在港一旦感染麻疹就有可能會傳染給親友、僱主及其家人。麻疹在全球多個地方仍然流行，當中包括部分東南亞國家。菲律賓係2018年就錄得18,407宗麻疹個案，馬來西亞、泰國、印度和印尼係2018年十二個月錄得的麻疹發病率（每百萬人口個案數字）分別為 86.4、 81.0、47.9 及 16.9，都比香港高。

預防方法

部分外傭中介公司會為外傭安排職前身體檢查，僱主可向中介查詢及考慮將外傭對麻疹免疫力的評估及 MMR 疫苗接種加入職前身體檢查項目中。另外，如果外傭打算在假期時回鄉，可以建議佢哋返港前先在當地接受麻疹疫苗注射。 不過香港並沒有提供單價麻疹疫苗，而家使用的含麻疹疫苗為 MMR混合疫苗，可以同時有效預防流行性腮腺炎及德國麻疹。

如果外傭係香港不幸染上麻疹，根據標準僱傭合約，僱主係需要外傭負責醫療費用，所以記得為外傭買保險，否則自己荷包又要出血喇！不過錢都事少，最怕係傳染家人，記得幾時都係預防勝於治療呀。

如果想保障家人及了解更多打MMR混合疫苗的資料及費用，只要網上搜查「MMR混合疫苗」，就可以搵到唔少機構提供依個服務。

相關產品: 

加洲保險最新家傭保險計劃，全港最高保障額，高達$88,000港幣住院及手術費用保障；更特設家傭試用保障及預留保障365日, 了解更多或立即申請

本文章中提供的信息僅供一般參考，不作為任何形式的建議。 本公司對其使用不承擔任何性質的責任。

資料來源：衞生防護中心